“İnter” Zaur Svanadze ilə yeni müqavilə imzalayıb

Bakının “İnter” klubu əsas komandanın baş məşqçisi Zaur Svanadze ilə yeni müqavilə imzalayıb.

Futbolxeber.az saytının məlumatına görə, bunu açıqlamasında 59 yaşlı gürcüstanlı mütəxəssis bildirib.

O deyib ki, sözləşmənin müddəti 2017/2018 mövsümünün sonuna qədər nəzərdə tutulub. Z.Svanadze məşqçilər korpusunda da heç bir dəyişikliyin olmayacağını söyləyib.

Qeyd edək ki, Z.Svanadze 2015-ci ilin iyununda “İnter”in baş məşqçisi postunda Kaxaber Sxadadzeni əvəzləyib. Onun paytaxt klubu ilə müqaviləsinin müddəti iyun ayında başa çatıb.