“Qarabağ”ın pley-offdakı 5 potensial rəqibi müəyyənləşdi

“Qarabağ” UEFA Çempionlar Liqasının pley-off mərhələsinin püşkatmasında “səpələnməmişlər” arasında yer alacaq.

Futbolxeber.az saytının məlumatına görə, Ağdam klubu qrup mərhələsinə gedən yolda son maneəni keçmək üçün reytinqdə özündən üstün olan komandanı üstələməlidir.

Belə ki, çempionumuz pley-offda “Olimpiakos” (Yunanıstan), “Seltik” (Şotlandiya), “Kopenhagen” (Danimarka), APOEL (Kipr) və ya “Maribor”la (Slovaniya) qarşılaşacaq. 

Qeyd edək ki, pley-off mərhələsinin püşkü avqustun 4-də Bakı vaxtı ilə saat 14:00-da atılacaq. Bu mərhələnin oyunları isə avqustun 15-16-da, cavab görüşləri isə 1 həftə sonra keçiriləcək.