Abullayev "Araz"dan danışdı

AFFA prezidenti Rövnəq Abdullayev bu gün jurnalistlər üçün keçirdiyi brifinqdə Azərbaycan çempionatının I divizionunda mübarizə aparan klublar haqda danışıb. Futbolxeber.az-ın məlumatına görə, I divizionda çıxış edən komandaların maliyyə imkanlarının o qədər də böyük olmadığını deyən Abdullayev indi variantlar haqda fikirləşdiklərini bildirib: “Çünki komandanın bir yerə gedib-gəlməyi çətindir. Ona görə artıq baş katib Elxan Məmmədova göstəriş vermişəm ki, UEFA ilə də danışıqlara başlasın. Bu, Naxçıvanda regional yarışların keçirilməsi üçündür. Naxçıvanın 6 rayonunda bir neçə komandanın iştirakı ilə region liqası keçirilməsinə çalışırıq. Həmin liqanın qalibi ilə I liqa təmsilçisinin görüşündən sonra güclülər dəstəsinə komandalardan biri çıxsın. Biz şərait yaradacağıq ki, “Araz” oynasın və Naxçıvanda futbol inkişaf etsin”.