"Terek" "Neftçi"yə qarşı əsas heyətlə oynamayıb

Xəbər verdiyimiz kimi, "Neftçi" Avstriyada keçirdiyi təlim-məşq toplanışı çərçivəsində "Terek"lə qarşılaşıb. Futbolxeber.az-ın məlumatına görə, Qroznı klubunun rəsmi saytı qısaca da olsa, təmsilçimizlə görüşə yer ayırıb. Həmin yazını təqdim edirik:

Avstriyadakı təlim-məşq toplanışının sonuncu günündə qroznılılar 2 yoldaşlıq görüşü keçirməlidi idi. Bakı "Neftçi"si və Hayfa "Makkabi"sinə qarşı. Səhər məşqinin ardından Yuri Krosnajan hər iki matç üçün heyəti açıqladı. Beləcə, "Neftçi"yə qarşı "Terek"in heyətində meydana gənclər komandasının bir neçə üzvü çıxdı.

İlk yarıda demək olar ki, qol epizodu yaranmadı. Yalnız sona yaxın qol görmək ümidi yarandı. Həmin epizodda mərkəz dairədə driblinq edən Kanu, yolüstü "Neftçi"nin 4 futbolçusunu geridə qoysa da, həlledici anda topa istənilən kimi zərbə endirə bilmədi. Az sonra analoji vəziyyətdən Sadayev yararlana bilmədi.

İkinci hissədə kardinal şəkildə meydanda heç nə dəyişmədi. Komandalar növbə ilə üstünlüyə yiyələnirdilər, lakin rəqib qapısı qarşısında təhlükə yaratmaq olmurdu. Əgər, epizod yoxdursa deməli, qol da yoxdur.