Samir Abasov: “İlk dəfədir ki, nə deyəcəyimi bilmirəm”

“Bu çempionat ərzində ilk dəfədir ki, nə deyəcəyimi bilmirəm. Yaxşı olar ki, siz sual verəsiz, mən cavab verim. Oyuna elə hazırlaşmışdıq ki...Nə analiz, nə necə oynayacağıq... Taktiki dəyişiklik etdik. Meydana 2 hücumçu ilə çıxmışdıq”.

Futbolxeber.az saytının məlumatına görə, bu sözləri “Sumqayıt”ın baş məşqçisi Samir Abbasov Topaz Premyer Liqasının 24-cü turunda “Neftçi”ni 2:0 hesabı ilə məğlub etdikləri oyundan sonra deyib.

Abasov meydana fərqli taktiki düzülüşlə çıxdıqlarını bildirib: “Heyətdə itkilərimiz var idi. Bəlkə də heyətdə problemimiz olmasaydı, 5-3-2 taktiki sxemi ilə meydana çıxmazdıq. Amma həmişə bu sistemlə oynamayacağıq. Taktiki düzülüş rəqibə görə dəyişir”.

“Sumqayıt”ın çalışdırıcısı qarşıda onları 2 vacibin oyununun gözlədiyini bildirib: “Qarşıda 2 vacib oyunumuz var. Əvvəlcə səfərdə AZAL-la qarşılaşacağıq. Daha sonra “Zirə”ni qəbul edəcəyik. Qarşımıza mütləq dördüncü yeri tutmaq tapşırığı qoyulmayıb. Lakin buna nail olsaq, heç də pis olmazdı. Əlimizdən gələni edəcəyik. Amil Yunanovun vurduğu qol oyunun son nöqtəsi idi”.