Rəhimov: “Matçın taleyini tək başına həll edən futbolçu deyiləm”

Çempionatın XXIV turunun “Qarabağ”a qarşı görüşünü cəza səbəbindən buraxacaq Şəhriyar Rəhimov cari mövsümdə ilk dəfə “Kəpəz”ə kömək edə bilməyəcək. Futbolxeber.az-ın məlumatına görə, buna kimi bütün oyunlarda əsas heyətdə çıxış etmiş müdafiəçi bununla bağlı klub saytına açıqlama verib: 

 

“Düşünmürəm ki, yoxluğum komandanın oyununa təsir etsin. Matçın taleyini tək başına həll edən futbolçu deyiləm. Yerimdə oynayacaq oyunçu komandaya maksimum şəkildə faydalı olmağa çalışacaq. Əsas odur ki, “Kəpəz” son turlardakı uğurlu çıxışını davam etdirə bilsin. Çempionatda bundan əvvəlki matçlarda forma geyinmişəm. Təbii ki, bütün qarşılaşmalarda oynamaqla fərqlənmək istərdim”.