Kvekveskiri: “Mәnə verilәn qırmızı vәrәqә milyon faiz yanlış idi”

Bu gün Topaz Premyer Liqasında XX tura yekun vurulur. Futbolxeber.az-ın məlumatına görə, günün ilk oyununda “Kəpəz” doğma meydanda “Qəbələ” ilə 1:1 bərabərə qalıb.

 

Qonaq komandanın qırmızı vərəqə ilə cəzalandırılan futbolçusu Nika Kvekveskiri matçdan sonra baş hakim Əliyar Ağayevin bu qərarı ilə bağlı açıqlama verib. "Qafqazinfo"ya danışan gürcüstanlı yarımmüdafiəçi bu sözləri deyib: "Mәnə verilәn qırmızı vәrәqә milyon faiz yanlış idi. Hakimin mәni niyə meydandan qovduğunu bilmirәm. Nicatı vurmadım vә ona heç bir söz demәdim. Ağzımdan heç bir pis söz çıxmadı. O mәni vurdu vә qırmızı vәrәqә almalı idi. Әliyar Ağayev mәnә qırmızı göstәrmәmәli idi".

 

Qeyd edək ki, Gəncə şəhər stadionundakı matçın 38-ci dəqiqəsində ev sahibi komandanın futbolçusu Nicat Qurbanov qonaqların yarımmüdafiəçisi Nika Kvekveskiri arasında gərginlik yaşanıb. Hadisə zamanı Qurbanov gürcü oyunçuya sillə vurub. Qarşılaşmanın baş hakimi Əliyar Ağayev isə hər iki futbolçunu qırmızı vərəqə ilə meydandan qovub.