Ölkə futbolu
Nadir Şükürov: “Milli komanda millətin üzü, adıdır”
Bu gün “Kəpəz”in əsas komandasının qapıçılarla işləyən məşqçisi Nadir Şükürovun 50 yaşı tamam olur. Futbolxeber.az-ın məlumatına görə, bu münasibətlə klub saytı yubilyardan müsahibə alıb:
- Sizi 50 yaşında cavan kimi təbrik edirik...
- Təbrikə görə minnətdaram. 50 yaşa gəlib çatmaq böyük iş deyil. Çünki 50 yaş böyük yaş hesab olunmur. Bu illərin içində yaxşı və pis günlərim olub. Hamı da necə, məndə də elə. Şükür ki, bu yaşa gəlib çıxmışıq. Hər bir insanın həyatında itirdiyi, qazandığı illər olub. Futbol həyatında qazanmışam, amma şəxsi həyatda itkilərlə üzləşmişəm. İstəmərəm ki, kimsə cavan yaşında yaxınını itirsin, amma belə şeylər mənim başıma gəlib.
- Nadir müəllim, çox kövrəldiniz...
- Cavan olduğum vaxtlarda valideynlərimi itirmişəm, qardaşım vəfat edib, qardaşımın oğlu şəhid olub. Müharibə ab-havasını duyan, ağrı-acısını hiss edən insanlarıq. Döyüşdə həlak olanların hər biri bizim övladımızdı, millətimizin balasıdır. Heç vaxt xalqın övladına biganə baxmamışam. Cəbhədə baş verənləri ürək ağrısı ilə izləyirik. Özünə, vətəninə, xalqına, dövlətinə xidmət edən hər bir insan şəhid olanları öz balası kimi qəbul etməlidir. Bu gün biz aranlı, turanlı deyilik, hamımız qarabağlıyıq! Millət kimi bir olmalıyıq, bu gün cəbhədə yaşananlar bizi narahat edir. Torpaqlarımızın bütövlüyü uğrunda şəhid olanların hər biri bizim balamız, qardaşımız, doğmamızdır.
- Ad gününüzdə sizi kövrəltmək istəməzdik, amma neyləyəsən, həyat təkcə xoş günlərdən ibarət deyil. İstərdik ki, mövzunu dəyişək. Yubileyinizi necə qeyd edəcəksiz?
- 50 yaşımı ailə arasında qeyd edəcəyik. Təmtəraqdan uzağam, yəqin ki, böyük yığıncağ olmayacaq. Açığı, belə şeyə pis də baxmıram. Məndən də böyük futbolçular var, onlar yubiley keçirməyib. Evdə məclis təşkil edəcəyik, qardaşlarım, bacım, bir sözlə yaxın ətrafım yanımda olacaq.
- Əsri yarılayırsız, geriyə böylananda nə yadınıza düşür?
- Futbolu özümə peşə seçdiyimə görə peşman deyiləm, şablon səslənsə də, yenidən dünyaya gəlsəydim belə yenə bu sənəti seçərdim. Unudulmaz, yaddan çıxmaz çoxlu günlər var, əksəriyyəti də futbolla bağlıdır. Məşqçilərimə təşəkkür edirəm ki, mənə düzgün yol göstəriblər, istiqamət veriblər. Futbolçu olmağın özü böyük bir şərəfdir.
- Nadir Şükürovu Azərbaycana böyük futbol ənənəsi olmayan İmişli bəxş edib. Sizi rayonun bütün dövrlər üçün ən yaxşı futbolçusu hesab etmək olar?
- Yox, məndən də yaxşı futbolçular çıxıb. Elə Füzuli Musayevin adını çəkmək olar. O, Sovetlər dövründə Gəncənin “Tərəqqi” komandasının heyətində İttifaq çempionatının ikinci dəstəsində çıxış edib. Mənim futbolçu olmağımda ilk məşqçim Fazil Seyfəliyev kimi onun da böyük rolu, zəhməti olub. İmişlidə futbol çox sevilir. SSRİ vaxtında rayonun uşaq komandası “Sevinc”, “Dəri top”, “Sünbül” kuboklarında, müxtəlif spartakiadalarda çıxış edirdi və yaxşı da nəticələr göstərirdi. Mən peşəkar səviyyədə futbol oynamaq üçün bütün çətinliklərə baxmayaraq fikrimdən dönmədim, sona kimi bu işin arxasınca getdim və məqsədimə çatdım. Bizim oynadığımız nəsildən yerlilərim arasında Fariz Yusifovun adını çəkə bilərəm. Düzdü, sonradan Yusifov hakimliyə keçdi və FİFA referisi oldu.
- Siz vaxtilə “Kəpəz”də də oynamısız və bu komandadakı çıxışlarınızla məşhurlaşmısız...
- Gəncəyə gələnə kimi Sabirabadın “İnşaatçı” və İmişlinin “Melyaratur” komandasında oynamışam. Rayonumuzun komandasında Tofiq Axundov, Vladimir Bruxti kimi tanınmışlar məşqçi işləyib. 1989-cu ildə “Kəpəz”ə gəldim. Müzəffər Qasımov oyunların birində oyunumu bəyənib komandaya dəvət etmişdi. Gəncə klubunda oynamaq bir çox futbolçuların arzusu olub, eləcə də mənim. Bu gün də bu, belədir. “Kəpəz”də oynamağın, işləməyin özü böyük bir şərəfdir.
- Oynadığınız dövrdə “Kəpəz”in heyətində yaddaşınızda dərin iz buraxan oyun və ya oyunlar hansı olub?
- “Qarabağ”a 3:1 hesabı ilə qalib gəldiyimiz oyunun adını ilk sırada çəkərdim. Səhv etmirəmsə, 1995-ci il idi. Meydanda maraqlı və güzəştsiz mübarizə oldu. Tək mən yox, bütün futbolçular həmin matçda yaxşı təsir bağışladılar. Bir də 1991-ci ildə SSRİ dönəmində Ukraynanın Nikolayev şəhərində “Sudostroitel” komandasına qarşı keçirdiyimiz oyun yaddımdan çıxmaz. Səfərdə rəqibi 3:2 hesabı ilə məğlub etdik. İndiki komandamızın məşqçilər korpusunda təmsil olunan mütəxəssislərin hamısı həmin oyunda meydanda idi. Şahin Diniyev, Füzuli Allahverdiyev, Xaliq Mərdanov və mən start heyətində yer almışdıq.
- Milli komandada işləmisiz, klubda, yoxsa yığmada çalışmaq çətindir?
- Əsas millidə çıxış etmiş qapıçıyam. 2000-2002-ci illərdə İqor Ponomaryovun dövründə yığmaya cəlb olunmuşam. Ona görə də deyə bilərəm ki, milli komanda millətin üzü, adıdır. U-17, U-19 yığmalarda işləmişəm. Həm klubda, həm də millidə çalışmaq məsuliyyətlidir. Klubda hər gün işdə, məşqdə olursan, yığmada isə təlim-məşq toplanışlarında və oyun ərəfəsində komanda ilə bir araya gəlirsən. İş hər ikisində çətindir, şərəflidir. Klubda hər həftə oyun var və sanki hər dəfə də imtahan verirsən, sınağa çıxırsan.
- Legioner həyatı yaşayan qapıçılardan olmusuz. Amma İrandan fərqli Türkiyədə işləriniz yaxşı getmədi, niyə?
- “Ərzurumspor”da bir menecer vardı, bizim komandada qalmağımıza imkan vermədi, ona görə də Türkiyədə karyeram uğurlu alınmadı. Bakıya qayıdası oldum. İrana gəlincə, iki mövsüm yerli çempionatda çıxış etdim. Kirman şəhərinin “Mis” komandasında karyeram daha yaxşı alındı.
- Lev Yaşin dünya futbolunda “Qızıl top” mükafatını almış yeganə qapıçıdır. Əgər yaxşı qapıçı komandanın yarısıdırsa, niyə qolkiperlər yenidən bu mükafata layiq görülmürlər?
- İndi hər şeyi qol vurmaqla ölçürlər. Kim daha çox qol vurur, bütün diqqət, fikir ona yönəlir. Qapıçı top buraxıb komanda uduzanda, hamı onun adını günahkar kimi çəkir, amma sahə oyunçuları yada düşmür. Hücumçu qolu vura bilmədi, yarımmüdafiəçi yaxşı oynamadı, müdafiəçi səhv etdi deyən olmur. Bütün dünyada belədir. Heç komanda qalib gələndə qolkiper kömək etdi və udduq deyilmir (gülür).
- Nadir Şükürov da olan hansı keyfiyyət bu gün “Kəpəz”in qapıçılarında yoxdur?
- Məşqdə öz üzərlərində işləməyi bacarırlar, hər şeyin yaxşı olması üçün səylərini əsirgəmirlər. Sadəcə olaraq öz daxillərində oyuna köklənməyi bacarmalıdırlar ki, bu da hələlik onlarda yoxdur. Məşqçi yetirməsinə motivasiya verir, amma gərək futbolçunun özü də özünə motivasiya versin. Hər zaman qapıçılara tövsiyyələrimi, tapşırıqlarımı verirəm və bildirirəm ki, meydançaya çıxanda icraçı onların özü olur, məşqçi kənarda qalır. Onlarda çatmayan budur, yəqin ki, zamanla bu da düzələr.
- Ailədə davamçınız olmadı. Oğlunuz atasını yolunu niyə davam etdirmədi?
- Mən özüm qoymadım. Zəif oynayırdı ona görə. Hər gün necə oynadığını soruşurdum, “hər şey əladır” cavabını verirdi. Bir gün getdim öz gözümlə gördüm. Çünki bundan əvvələ kimi getmirdim. Valideynin məşqə baxıb uşağına müdaxilə etməsini xoşlamıram. Təsadüfən bir gün gedib gördüm ki, oğlum nəinki komandasına kömək edir, əksinə mane olur (gülümsəyir). Ona dedim ki, futbol sənlik deyil. Ürəyimcə oynamırdı, yaxşı olsaydı, davam etdirməsini istəyərdim. Kimsə mənə görə ona hörmət edəcəkdi, o da hansısa istedadlı azərbaycanlı balasının yerini tutacaqdı. Həqiqi hərbi xidmətə yola saldım, indi Xüsusi Dövlət Mühafizəsi Xidmətində işləyir, dövlətə xidmət edir. Ondan çox razıyam.
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Qurbanovdan nümunəvi addım
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- Hakimlər “kimə işləyir”? - Araşdırma
- Klublar Komitəsinin iclası keçirilib
-
18:06
"Prezident Kuboku-2024": Azərbaycanın daha bir avarçəkəni medal qazanıb
-
17:45
Mohammed Kadiri: “Nəinki "Zirə, istənilən rəqibə qalib gələ bilərik”
-
16:38
İspaniyalı baş məşqçi: "Prezident Kuboku”nda iştirak hər bir idmançı üçün yaxşı təcrübə olacaq"
-
16:13
Yüksək Liqada mövsüm başa çatdı
-
15:00
İlk dəfə kata üzrə Azərbaycan birinciliyi keçirilib
-
14:49
"Prezident Kuboku": Azərbaycan avarçəkəni qızıl medal qazandı
-
14:22
"Neftçi" “Qarabağ”la matçın hazırlığını davam etdirir FOTOLENT
-
14:15
Millimizin sabiq üzvü “Əl-İttihad”da
-
13:07
Türkiyə avarçəkəni: “Prezident Kuboku” turniri həyəcanlı və maraqlı keçir"
-
12:31
Aygül Abdullayeva Estoniyada ən yaxşı hakimi seçilib
-
12:12
"Səbail" "Qəbələ" ilə oyuna hazırlaşır FOTOLENT
-
11:58
Klublar Komitəsinin növbəti iclası keçirilib
-
11:26
Avarçəkmə üzrə "Prezident Kuboku”nda ikinci yarış gününə start verilib
-
11:03
Fərid Mansurov: "Prezident Kuboku-2024"də azarkeş qismində iştirak etmək qürurvericidir"
-
10:34
"Həm hücumda, həm də müdafiədə aqressiv oyun sərgilədik"
-
10:12
Azərbaycanın güləş milliləri Bakıda toplanış keçirlər
-
09:59
"Traktor" əzəli rəqibi ilə heç-heçə etdi
-
09:47
"Borussiya" PSJ-ni məğlub etdi VİDEO
-
09:30
Minifutbol millimiz beynəlxalq turnirin qalibi oldu
-
18:19
Abu Dosso: “Sumqayıt”ın potensialı avrokuboklarda oynamağa imkan verir”
-
17:58
Bakıda keçiriləcək bədii gimnastika üzrə Avropa Kubokunun mükafat fondu açıqlanıb
-
17:42
Azərbaycanlı nümayəndə ilk dəfə Avropa çempionatında
-
17:25
Şahin Bağırov Azərbaycan voleybol millisinin üzvləri ilə görüşüb
-
17:03
Azərbaycanı Bakıdakı Avropa Kubokunda təmsil edəcək gimnastlar müəyyənləşib
-
16:51
"Qusar" Ağdaşdan qələbə ilə qayıtdı VİDEO
-
16:37
“Prezident kuboku-2024” reqatasının birinci gününə yekun vuruldu
-
15:44
Çingiz Hüseynzadə: "Bu yarış gənc avarçəkənlərimiz üçün böyük təcrübədir"
-
14:16
Premyer Liqamızda apreldə vurulan 5 ən gözəl qol VİDEO
-
14:08
AMADA təmiz idman təbliğatını Suqovuşanda davam etdirir
-
13:32
“Sərhədçi”nin baş məşqçisi: "Ümid edirəm ki, yaxşı oyunla qələbə qazanacağıq”
-
12:29
I Liqada hakim təyinatları açıqlandı
-
12:15
Prezident Kuboku-2024" reqatasının Füzulidə də keçirilməsi planlaşdırılır
-
11:53
Suqovuşanda “Prezident Kuboku-2024” reqatasının açılış mərasimi keçirilib
-
10:41
Millimiz Rumıniyaya uduzub, Bosniya və Herseqovinanı darmadağın edib
-
10:17
Ülviyyə Fətəliyeva: "Vətənimə qızıl medalla qayıtmaq qürurvericidir"
-
09:30
"Bavariya" - "Real" matçında 4 qol VİDEO
-
22:22
Azərbaycanın iki idmançısı Olimpiadaya vəsiqə qazandı
-
21:38
Pley-off start götürdü: “Neftçi” uduzdu
-
21:00
“Şahdağ Qusar” - “Füzuli” oyununda 6 qol VİDEO
-
18:49
II Liqada 23-cü tura yekun vuruldu
-
18:34
Millimizin “Böyük Dəbilqə” üçün heyəti açıqlanıb
-
17:55
Stolüstü tennis üzrə Azərbaycan birinciliyi keçiriləcək
-
16:31
Şəhriyar gerilədi, Teymur irəlilədi
-
16:17
Musa Qurbanlı: “Hamı mənə dəstəkdir”
-
16:00
ETOPAZ-ın baş sponsorluğu ilə keçirilən “Fire League”da qrup mərhələsi başa çatdı FOTOLENT
-
15:48
Millimiz Qızıl Avropa Liqası öncəsi məşqlərə start verib
-
14:52
Mingəçevirdə “Prezident Kuboku-2024” reqatasının iştirakçılarının rəsmi paradı olub
-
14:25
U-21 millimiz yoldaşlıq oyunu keçirəcək
-
14:03
AFFA 2 kluba texniki məğlubiyyət verdi
-
13:36
Azərbaycanı Göygöldə keçiriləcək Avropa Kubokunda 147 cüdoçu təmsil edəcək
02.05.2024
01.05.2024
30.04.2024
Arxiv
May 2024 |
B.e | Ç.a | Ç | C.a | C | Ş | B |
01 | 02 | 03 | 04 | 05 | ||
06 | 07 | 08 | 09 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | ||