Antonov: “Qəbələ”nin heyətində…”

“Qəbələ”dən uğursuz çıxışına görə göndərilən ukraynalı futbolçu Aleksey Antanov ölkəsinin mətbuatına açıqlamalar verib. 

 

Futbolxeber.az-ın məlumatına görə, hazırda Rusiyanın "Anji" klubunda baxışda olan 30 yaşlı hücumçu karyerası ilə bağlı danışıb: “Hazırda hər şey qaydasındadı. Özümə klub axtarırdım. Bir müddət də formada qalmaq üçün "Dnepr"in əvəzedici komandası ilə məşq edirdim. Özünüz də bilir ki, məlum səbəblərə görə, “Dnepr” yeni oyunçu sifariş edə bilməz. Ona görə bu məsələ heç müzakirə də olunmadı. Ancaq onu deyim ki, bu klub mənə doğmadır”.

 

Təcrübəli forvard "Qəbələ"dən ayrılmasına da münasibət bildirib: "Rəhbərliklə aramda fikir ayrılığı oldu. Azərbaycanda qalmaq üçün alışıb-yanmırdım. Düzü, Qəbələni şəhər adlandırmaq da çətindi. Sonda belə qərara gəldik ki, qarşılıqlı razılıq əsasında müqaviləyə xitam verək. Ancaq onu deyim ki, "Qəbələ"nin heyətində Avropa Liqasında çıxış etdik. Bu da mənim üçün yaddaqalan oldu".

 

Qeyd edək ki, Antonov 2015-2016-cı illərdə “Qəbələ”də çıxış edib.