Renat Dadaşov Azərbaycan millisində

AFFA futbolçu Renat Dadaşovun müvafiq qaydalara uyğun olaraq Azərbaycan millisində çıxış etməsinə razılıq vermək üçün FİFA-ya müraciət ünvanlamışdı. 

 

Futbolxeber.az-ın məlumatına görə, artıq FİFA müraciəti cavablandırıb. Ali futbol qurumunun Oyunçuların Statusu Komitəsinin AFFA-ya ünvanladığı məktubda bildirilir ki, assosiasiyanı dəyişməklə bağlı AFFA və Renat Dadaşovun FİFA-ya müraciəti təmin olunsun və futbolçu qərarı aldığı tarixdən etibarən Azərbaycan milli komandasında oynamaq hüququna sahibdir.

 

Qeyd edək ki, əslən azərbaycanlı olan, hazırda Almaniyada çıxış edən Dadaşov AFFA-ya müraciət edərək Azərbaycan millisində oynamaq istədiyini qeyd etmiş, bununla əlaqədar AFFA-nın sorğusuna cavab olaraq, Almaniya Futbol İttifaqı  bildirmişdi ki, o, bu ölkənin aşağı yaş qruplarından ibarət yığmalarında çıxış etsə də, əsas komandada oynamayıb. Əlavə edək ki, 17 yaşlı hücumçu hazırda "Ayntraxt" (Frankfurt) klubuna məxsusdur.