Prosineçki “Bursaspor”u çalışdırmayacaq

Türkiyə mətbuatında Azərbaycan millisinin baş məşqçisi Robert Prosineçkinin Türkiyə superliqasında yarışan “Bursaspor”la razılığa gəlməsi haqda yayılan xəbərlər həqiqəti əks etdirmir.

Futbolxeber.az saytının əldə etdiyi məlumata görə, xorvat mütəxəssislə Bursa klubu arasında danışıqlar olsa da, müsbət razılıq əldə edilməyib.

Odur ki, Prosineçki millimizdəki fəaliyyətini davam etdirəcək

Xatırladaq ki, bu gün “Hürriyət” Prosineçkinin “Bursaspor”la 2.5 illik müqavilə imzalamaqla bağlı razılığa gəldiyi barədə xəbərlər yayılıb.