Bezotosnı: “Hakimlər “Qarabağ”a kömək etdi”

“Qəbələ”nin ukraynalı qapıçısı Dmitri Bezotosnı ölkəsinin mətbuatına maraqlı açıqlamalar verib. Futbolxeber.az sizi həmin müsahibə ilə tanış edir:

 

- İki ildir ki, Azərbaycandasınız. Hələ də sizi orda özlərindən biri hesab etmirlər?

- Mən ukraynalıyam. İki ildir ki, bu ölkədəyəm. Yenə də demək olmaz ki, hər şeyə öyrəşmişəm.

 

- Yerli dili sərbəst bilirsiz?

- Əlbəttə ki, yox. Çox şey başa düşürəm, amma danışmaq çətindir. Azərbaycan sözlərini səsləndirmək çətin olur. Yerli futbolçular rus dilində bilirlər. Braziliyalıları ilə ünsiyyətdə isə tərcüməçi kömək edir. Dillə bağlı problem olmur.

 

- Siz orada olduğunuz müddətdə yerli çempionatın səviyyəsi qalxıb?

- Bu suala cavab vermək mənim üçün çətindir. Hazırki mövsümdə yalnız “Qarabağ”la qızıl medallar uğrunda rəqabət var. Bir neçə komanda var ki, liderlər yaxın ola bilərlər. Ona görə də birincilik maraqlıdır. Amma yerli medianın dəyərləndirmələrindən belə başa düşürəm ki, 5 il öncə çempionat daha güclü olub. Lakin o vaxt Azərbaycanda olmadığım üçün mübahisə etməyəcəm. Həm də komandaların avrokuboklardakı çıxışına görə son illəri daha uğurlu saymaq olar. 2009-cu ildən sonra yalnız bir dəfə “Neftçi” qrup mərhələsinə adlaya bilib. Ancaq 2014/2015 mövsümündən “Qarabağ” Avroliqada daimi iştirakçı olub. Sonradan “Qəbələ” də bu komandaya qoşuldu. Bu suala müxtəlif cür cavab vermək olar.

 

- Klub rəhbərliyi sizin nəticələrdən məmnundur?

- Bunu onlardan soruşmaq lazımdır. Amma mövsüm başlamazdan öncə qarşımıza titul qazanmaq məqsədi qoyulub. Aydın məsələdir ki, Avropada bunu etmək bizim üçün çətin olardı. Daxili çempionatda isə bacarmaq olar. Çalışırıq ki, öz rəhbərimizi məyus etməyək. Məsələn, ölkə kubokunu qazanma bilərik. Əlbəttə ki, istəyərik “Qəbələ” öz tarixində ilk dəfə çempion olsun.

 

- “Qəbələ”nin belə yüksəlməyinin sirri nədir?

- Hesab edirəm ki, əsas səbəb baş məşqçidir. Roman Qriqorçuk kollektivi bir məqsəd ətrafında birləşdirə bilib.

 

- “Qarabağ”la görüşlərdə 1 qələbə siz, 1-ni onlar qazanıb. Rəqibin qalib gəldiyi oyunda isə son dəqiqələrdə uduzmusunuz...

- Yaralı yerimizdən vurursunuz? Bəhanə kimi demirəm, amma hakim bizim qapımıza penalti təyin etməklə rəqibə kömək etdi. Top Vitali Vernidubun üzünə dəymişdi. Hakim matça 4 dəqiqə əlavə elədi, amma biz 7 dəqiqə oynadıq. Bu vaxt ərzində “Qarabağ”dan qırmızı vərəqə alan da oldu. Lakin biz psixoloji olaraq “sınmışdıq”. Rəqib də istifadə edib qalib gəldi.

 

- Azarkeşlər Azərbaycan çempionatını izləmək üçün stadiona gəlir?

- Bəli. Fikirləşirəm ki, orta azarkeş sayı 2 mindir. Bu pis göstərici deyil. Amma elə oyunlar olur ki, həmin qarşılaşmalarda stadion ağzına qədər dolur.

 

- “Qəbələ”nin daxili oyunlard işləri yaxşı gedir. Avropa Liqasında isə qrupdan çıxa bilməmisiniz. Bu, qanunauyğundur?

- Fikrimcə, Avroliqada qrupdan çıxmaq üçün ustalığımız çatmadı. Amma unutmaq lazım deyil ki, biz güclü ölkələrin klubları ilə qarşılaşdıq. Komandada nəsə çatmırdı.

 

- Sizinlə yanaşı “Qəbələ”də ukraynalı Vitali Vernidub da oynayır. Boş vaxtlarınızı birlikdə keçirirsiniz?

- Həmişə birlikdə oluruq. Oteldə otaqlarımız da qonşudur. Səfər oyunlarında isə yataqlarımız qonşu olur.

 

- 15 minlik şəhərdə nə ilə məşğul olmaq mümkündür?

- Mən tez-tez ailəmlə ünsiyyətdə oluram. Arada “Playstation oynaya bilirəm. İsti olanda tez-tez Bakıya gedirik. Ora çox qəşəngdir.İstirahət vaxtları Xəzər dənizində çimirik.

 

- Sergey Zenyov da sizə qoşulur?

- Əlbəttə. O, axı bizimkidir. Estoniyalı hücumçu uzun müddət Ukraynada oynayıb. Biz ruhən də yaxınıq. Bizim sıralamız bir az pozuldur. Aleksey Qay və Aleksey Antonovun gedişi ilə sayımız azaldı. Düşünürəm ki, biz Ukraynanı ölkə xaricində layiqli təmsil edirik.

 

- Siz hələ evə hazırlaşmırsınız?

- Mən indi evdəyəm.

 

- Ukraynada oynamağınızı deyirəm...

- Hələ yox. Mənim “Qəbələ” ilə daha 6 aylıq müqaviləm var. Həm də Ukraynadan təklif olmayıb. Mən yenə Xəzər dənizinə gedəcəm. (“Qafqazinfo”)