Yanal: “Ramil Şeydayevdən istədiyimizi ala bilmirik”

Türkiyə Super Liqasında XVI turun oyunları keçirilib. 

 

Futbolxeber.az-ın məlumatına görə, Azərbaycan millisinin futbolçusu Ramil Şeydayevin şərəfini qoruduğu "Trabzonspor" doğma meydanda "Fənərbaxça"ya 0:3 hesabı ilə uduzub. Matçdan sonra ev sahibi komandanın baş məşqçisi Ərsun Yanal məğlubiyyəti belə şərh edib: “28-ci dəqiqəyə qədər üstünlük bizim tərəfimizdə idi. Ancaq Yusuf Ərdoğanın qırmızı vərəqə alması işimizi çətinə saldı. Qrımızı vərəqə almasaydıq, “Fənərbaxça”ya qarşı oynamaq bizim üçün çox asan olacaqdı. Ancaq azlıqda qaldıqdan sonra planlarımız alt-üst oldu. Əks hücum haqda düşünsək də, həyata keçirə bilmədik. Meydanda istədiyimizi edə bilmədik və rəqibə təslim olduq”. 

 

Təcrübəli mütəxəssis yayda transfer olunan futbolçularla birgə Şeydayevin də durumunu fəyərləndirib: “İbenez, Suk və Ramil Şeydayevdən istədiyimizi ala bilmirik. Düzdü, Ramil çox gənc olsa da, digərlərinin kifayət qədər təcrübələri var. Bundan sonra daha düzgün transferlər etməliyik, daha diqqətli olamalıyıq. Komandamızda Yusuf və Abdulkadir kimi gənc futbolçular var. Yusuf özünü gənc kimi göstərmir və belə davam etsə, daha çox şans qazanacaq. Abdulkadirin isə bir qədər zamana ehtiyacı var”.

 

Qeyd edək ki, Ramilin adı bu matçın iştirak ərizəsində yer almayıb.