Rusiya yığmasının üzvü: “AFFA-dan təklif aldım”

Bolqarıstanın “Slaviya” klubunun futbolçusu Serder Serderov Azərbaycanla bağlı maraqlı açıqlama verib.

 

Futbolxeber.az-ın məlumatına görə, 22 yaşlı hücumçu AFFA-dan təklif aldığını deyib. Rusiya mətbuatına danışan futbolçu məsələni belə izah edib: "Ramil Şeydayevlə Emin Mahmudovun Azərbaycan millisinə cəlb olunmasından sonra AFFA-dan mənə də zənglər gəldi. Mənə yerli pasport verib, yığmada oynamağımı təklif etdilər. Ancaq bu təklifi rədd etdim. Çünki mən rusam və Moskvada yaşayıram. Bu, mənim üçün prinsip məsələsidir".

 

Qeyd edək ki, Rusiyada ÇSKA, "Anji", "Ural", "Krılya Sovetov" kimi klublarda oynamış Serderov bunadək sözügedən ölkənin U-17, U-19 və U-21 yığmalarında çıxış edib. Maxaçqalada doğulan futbolçu cari ildən "Slaviya"da (Bolqarıstan) çıxış edir. vurub.