Qriqorçuk: “Futbolçularımı başlarını uca tutmağa çağırıram”

Bu gün Avropa Liqasında qrup mərhələsinə yekun vurulur.

 

Futbolxeber.az-ın məlumatına görə, təmsilçimiz "Qəbələ" son matçında səfərdə "Maynts"a (Almaniya) 0:2 hesabı ilə uduzaraq turnirdə mübarizəni dayandırıb.

 

Oyundan sonra təşkil olunan mətbuat konfransında açıqlama verən Qəbələ klubunun baş məşqçisi Roman Qriqorçuk məğlubiyyəti belə şərh edib: “Oyun haqda onu deyə bilərəm ki, “Maynts”ın qələbəsi tam qanunauyğundur. Meydanda baş verənlər göstərdi ki, rəqib daha güclü idi. Qələbə münasibətilə rəqibi təbrik edirəm. Öz futbolçularıma təşəkkür edirəm. Bu həm gördükləri işə, həm avrokubok mövsümünə görədir. Bu məğlubiyyətə baxmayaraq, oyunçularımı çox üzülməməyə, başlarını uca tutmağa çağırıram. Çox yaxşıdır ki, biz bu səviyyəni gördük. Futbolçular başa düşməlidir ki, nəyə can atmalıdırlar və böyük futbol oynamaq üçün nə etməlidirlər”.