Dabo: “Məğlubiyyətə baxmayaraq, yaxşı oynadıq”

“Birinci hissədə yaxşı oynasaq da, fasilədən sonra bunun ardını gətirə bilmədik”. Futbolxeber.az saytına müsahibəsində bu sözləri “Qəbələ”nin hücumçusu Baqali Dabo deyib.

“Qəbələ” Avroliqanın qrup mərhələsinin V turunda “Anderlext”ə 1:3 hesabı ilə uduzub. Fransız forvard yenilginin səbəbini belə izah edib: “İkinci hissədə komandamız yoruldu. Bunun da nəticəsində səhvlər etməyə başladıq. Yekunda da rəqib qələbə qazandı. Məğlubiyyətə baxmayaraq, yaxşı oynadıq”.

Oyun zamanı zədələnən Dabo Premyer Liqanın növbəti turunda “Qarabağ”a qarşı oynaya bilməyəcəyini bildirib: “Düşünürəm ki, zədəm ciddidir.  Bu səbəbdən də “Qarabağ”la oyunu buraxmalı olacam. Yəqin ki, ən azı 2-3 həftə komandama kömək edə bilməyəcəm”.