“Bursaspor”un hücumçusu millimizdə

Türkiyənin "Bursaspor” klubunun hücumçusu Dəniz Yılmaz milli komandamızda çıxış edəcək. Bu haqda "Anadolu" agentliyi məlumat yayıb.

Türkiyənin aşağı yaş qrupları üzrə milli komandalarında çıxış etmiş 28 yaşlı hücumçu bir müddət əvvəl  AFFA-dan  təklif almışdı. Futbolçu bu təklifi qəbul etdiyini bildirib:

“Azərbaycanlılar məni çox istədi. Bunun üçü 3 il gözlədilər. Sonuncu dəfə onlara demişdim ki, Türkiyə millisinin Avropa çempionatı üçün heyətinə dəvət almasam, təklifinizi qəbul edəcəm. Ümid edirəm ki, bu, həm mənim, həm də Azərbaycan millisi üçün yaxşı olar”.

Qeyd edək ki, Dəniz Yılmaz "Maynts”, "Paderbörn”, "Elazığspor” və "Trabzonspor” kimi komandalarda çıxış edib. Ötən mövsüm “Bursaspor”a keçən hücumçu 11 oyuna 3 qol vurub.

Mənbə: qol.az