Kamran Quliyev: “Bu, ən ağır çempionat olacaq”

“Zirə”yə qalib gələcəyimizi gözləyirdik. Çünki komanda çox yaxşı hazırlıq keçib. Uğur qazanmaq üçün futbolçulara hər bir şərait yaradılıb. İlk matçımız çox maraqlı alındı. Görüş elə idi ki, biz də qalib gələ bilərdik, “Zirə” də. Elə alındı ki, sonda biz istəyimizə çatdıq”. Futbolxeber.az saytına müsahibəsində bu sözləri “Sumqayıt”ın prezidenti Kamran Quliyev deyib.

O, cari mövsümün çox gərgin keçəcəyini bildirib:  “Cari mövsümdə Premyer Liqada 8 komanda yarışır. Bu, ən ağır çempionat olacaq. Zəif, ortabab deyilən komanda olmayacaq. Demək olar ki, əksər klubların səviyyəli eynidir”.

Klub prezidenti “Sumqayıt”ı cari mövsüm neçənci yerdə görürsüz” sualını belə cavablandırıb: “Hələ ki ilk “dördlük”dəyik (gülür). Çempionat yeni başlayıb. İndidən nəsə demək çətindir. İlk 2 dövrədən sonra hansısa proqnoz vermək mümkündür”.