MTK-nın baş məşqçisi: “Qəbələ” çox güclü və təhlükəli komandadır”

“Oyun qola qədər bərabər səviyyədə keçdi. İlk qolu biz vursaydıq, hesab başqa cür ola bilərdi. Lakin nəticədə uduzduq”. Futbolxeber.az saytının məlumatına görə, bu sözləri “Qəbələ” ilə oyundan sonra MTK-nın baş məşqçisi Teodoru Vasilizs deyib.

Macarıstan təmsilçisi Avroliqanın II təsnifat mərhələsinin ilk oyununda öz meydanında “Qəbələ”yə 1:2 hesabı ilə uduzb.

Macar mütəxəssis Bakıya qələbə üçün yollanacaqlarını söyləyib: “Məğlubiyyətə baxmayaraq, təslim olmuruq. Bakıya mərhələ adlamaq üçün yollanacağıq. Baxmayaraq ki, “Qəbələ” çox güclü və təhlükəli komandadır”.

Vasilizs deyib ki, komandası “Aktobe” ilə müqayisədə daha yaxşı çıxış edib: “Bu gün keçən həftə “Aktobe”yə qarşı oynadığımızdan daha yaxşı çıxış etdik. Təəssüf ki, bunu hesabda əks etdirə bilmədik”.