Xaqani Məmmədovun işi ilə bağlı yaradılan komissiya qərarını açıqlayır

Xaqani Məmmədovun rüşvət qalmaqalı ilə bağlı AFFA tərəfindən yaradılmış komissiya işini başa vurmaq üzrədir. Futbolxeber.az-ın məlumatına görə, sözügedən komissiya AFFA Hakimlər Komitəsinin sədri ilə bağlı araşdırmanın nəticəsini sabah açıqlayacaq.

Qeyd edək ki, bu komissiya noyabrın ortalarında yaradılıb və ona məlum qalmaqalla bağlı hər şeyə aydınlıq gətirmək üçün 60 gün vaxt verilib.

Xatırladaq ki, 2001-ci ildə UEFA Kubokunun təsnifat mərhələsi çərçivəsində keçirilmiş Xorvatiya "Osiyek"i ilə Latviya "Dinaburq"u arasındakı oyunda (1:0) azərbaycanlı hakimlər idarəçilik edib. Xaqani Məmmədov isə həmin matçın dördüncü hakimi olub. Hakimlər Komitəsinin indiki sədrinə o vaxt rüşvət təklif edilsə də, həmin fakt yalnız ötən ilin axırında üzə çıxıb.

Mənbə: azerisport.az