Futbolumuzda növbəti qeyri-adi hal: oyunçular təlim-məşq toplanışına getmək üçün bileti özləri aldılar

Manatın devalvasiyası Azərbaycan futboluna da təsir göstərir. Futbolxeber.az-ın əldə etdiyi məlumata görə, dolların qiymətinin qalxmasından sonra “Sumqayıt” klubu Antalyada keçiriləcək təlim-məşq toplanışını təxirə salmaq istəyib.

Klub prezidenti Kamran Quliyev komanda üzvlərinə qış hazırlığını ölkə daxilində keçəcəklərini bildirib. Antalyaya getməyi çox istəyən “Sumqayıt”lılar isə vəziyyətdən çıxış yolu tapıblar. Belə ki, futbolçular gediş-gəliş üçün təyyarə biletini özləri alacaqlarını bildiriblər. Məhz bundan sonra komandanın planları dəyişməz qalıb. Türkiyəyə yollanmaq üçün biletləri futbolçular özləri alacaqlar, komandanın qardaş ölkədəki hazırlıq xərcini isə klub rəhbərliyi ödəyəcək.