“CBC-Sport” “Bakı”nı ziyana saldı

Bu gün I divizionun 7-ci turu çərçivəsində keçirilən “Bakı” - “Şahdağ” (3:0) oyununun “CBC-Sport” kanalı vasitəsi canlı nümayiş olunacağı gözlənilsə də, yayım baş tutmayıb. Futbolxeber.az-ın məlumatına görə, matçın canlı yayımlanmaması “Bakı”nı maddi baxımdan ziyana salıb. Belə ki, komandanın stadionunun ətrafında elektorun reklam lövhəsi yerləşdirilib. Bəzi şirkətlər orada öz reklamlarını yerləşdiriblər. Razılığa əsasən, şirkətlər kluba oyun canlı yayımlanacağı halda, pul ödəyəcəklər. Bugünki matç isə canlı yayımlanmadığından “Bakı” ziyana düşüb.