“Ümid edirəm ki, Cavadov sabah ruslara qarşı uğurlu seriyasını davam etdirəcək”

Sabah “Krasnodar”a qarşı keçiriləcək oyundan əvvəl “Qəbələ”nin baş məşqçisi Roman Qriqorçukun matçöncəsi mətbuat konfransı keçirilib. Futbolxeber.az-ın Krasnodara ezam olunmuş əməkdaşının verdiyi məlumata görə, azərbaycanlı jurnalistlərdən biri ukraynalı mütəxəsissə Vaqif Cavadovla bağlı sual verib: “Bu günə kimi Azərbaycan millisi və klubları ruslara qarşı keçirdiyi oyunlarda cəmi 2 qol vurub ki, hər iki qolun müəllifi də Vaqif Cavadovdur. Bunu nəzərə alaraq sabah Vaqifi meydanda görə bilərik”. Qriqorçuk isə sualı belə cavablandırıb: “Onu bir daha toyu münasibəti ilə təbrik edirəm. Ümid edirəm ki, sabah meydana çıxacağı halda Vaqif Cavadov ruslara qarşı uğurlu seriyasını davam etdirəcək”.