Toni Adams: “Krasnodarda heç-heçə də yaxşı nəticə hesab olunacaq”

“Bizi qarşıda “Krasnodar”la çətin oyun gözləyir. Rusiya klubunun heyətində çox yaxşı futbolçular çıxış edir”. Futbolxeber.az saytına müsahibəsində bu sözləri “Qəbələ”nin idman direktoru Toni Adams deyib.

Adams “Krasnodar”ın son oyunlarını izlədiyini qeyd edib: “Dortmunddakı görüşə baxmışam. “Krasnodar”la oyun bizim üçün vacibdir. Məncə yaxşı çıxış etməli və qrup mərhələsində mübarizə aparmaqdan həzz almalıyıq. Bura qədər irəliləmək bizim üçün uğurdur. Amma bununla kifayətlənmək lazım deyil. Bundan sonra da yeni uğurlar qazanmaq üçün mübarizə aparmalıyıq”.

Adams sabahkı matçda heç-heçəyə razı olduğunu gizlətməyib: “Qalib gəlməyimizi çox istərəm. Amma heç-heçə də yaxşı nəticə hesab olunacaq”.