Zenyov: “Avroliqada sona kimi mübarizə aparacağıq”

“Rəvan”a 3:0 hesabı ilə qalib gəldik. Bu, cari mövsümdə ilk böyükhesablı qələbəmizdi. Nəticə bizi tamamilə qane edir”. Futbolxeber.az saytına müsahibəsində bu sözləri “Qəbələ”nin hücumçusu Sergey Zenyov deyib.

Estoniyalı futbolçu süni qazonlu stadionda oynamağın çətin olduğunu bildirsə də, bundan gileylənməyib: “Bəhanə axtarmağın nə mənası var? Başqa çıxış yolumuz yoxdu. Çempionatın şərtləri bu cürdü”.

Zenyov çempionluq uğrunda sona kimi yarışacaqlarını qeyd edib: “Qəbələ” çempionluq uğrunda sona kimi yarışacaq. “Qarabağ”, "İnter" və "Neftçi" də çempionluq uğrunda yarışır”.

Təcrübəli futbolçu Avroliqanın qrup mərhələsinin ikinci turu çərçivəsində “Krasnodar”a qarşı keçirəcəkləri oyundan da danışıb: “Təbii ki , “Krasnodar”

güclü komandadır. Heyətlərin güclü futbolçuları var. Rəqibin heyətində son zamanlar yüksək məhsuldarlıq nümayiş etdirən Fyodor Smolovu qeyd edərdim.

Avroliqada hər oyuna qələbə üçün çıxırıq. Sona kimi mübarizə aparacağıq”.