“Qarabağ” - “Neftçi”: Oyunun yeri və vaxtı hələ də bilinmir

Peşəkar Futbol Liqası Azərbaycan Premyer Liqasında VI turun oyun cədvəlini açıqlayıb. Futbolxeber.az-ın məlumatına görə, digər oyunlardan fərqli olaraq “Qarabağ” - “Neftçi” görüşünün keçiriləcəyi stadion və matçın başlama saatı hələ məlum deyil. Belə ki, “Qarabağ” şənbə gününə qədər bütün çatışmazlıqları yoluna qoysa, o zaman “Neftçi”ni Suraxanı qəsəbəsində inşa olunmuş yeni stadionda qəbul edəcək. Əks halda isə matç “Dalğa Arena”da baş tutacaq.