Nikos Marinakis: “3 mərhələ adlaması “Qəbələ”nin gücünü göstərir”

"Komanda artıq çətin dövrünü geridə qoyub. Sabahkı oyunda da “Panatinakos”un yüksəlişə keçdiyini göstərməyə çalışacağıq”. Futbolxeber.az-ın məlumatına görə, bu sözləri “Panatinaikos”un üzvü Nikos Marinakis deyib.

Sabah “Qəbələ”yə qarşı keçiriləcək oyunöncəsi mətbuat konfransına qatılan futbolçu, təmsilçimiz haqda da fikirlərini açıqlayıb: “Qəbələ”nin 3 mərhələni uğurla adlaması onun gücünü göstərir. Zəif deyil, güclü rəqiblə oynayacağımızı bilirik. Bütün gücümüzü meydanda qoyacağıq”.  

Yunan müdafiəçi “Panatinaikos”un ulduz futbolçusu Maykl Essyenin yoxluğundan da söz açıb: “Essyenin komandada olması bizim üçün əlavə güc olardı. Amma əvvəllər də onsuz oynamışıq. Hazırkı heyətlə də oyunumuzu göstərməyə qadirik”.