Azərbaycan millisinin müdafiəçisi yenidən “Metallurq”da

Azərbaycan millisinin müdafiəçisi Pavel Paşayev Zaporojye “Metallurq”u ilə müqavilə imzalayıb. Futbolxeber.az-ın “football.ua”ya istinadən verdiyi məlumata görə, Paşayevlə “Metallurq” arasında imzalanan müqavilənin şərtləri barədə məlumat verilmir. Müdafiəçinin adı artıq “Metallurq”un iştirak ərizəsinə də daxil edilib.

Qeyd edək ki, Pavel Paşayev yayda müqaviləsi başa çatdıqdan sonra “Metallurq”dan getmişdi. Onun “Metallist”ə transfer olunacağı deyilsə də, futbolçu yenidən sabiq komandasına qayıtmağa qərar verib.

Onu da əlavə edək ki, ötən mövsüm millimizin üzvü 25 oyunda forma geyib.