“Araz-Naxçıvan”ın yeni baş məşqçisi müəyyənləşdi

Ukraynalı mütəxəssis Yuri Maksimov karyerasını yenidən Azərbaycanda davam etdirməyə yaxındır.

Futbolxeber.az saytının məlumatına görə, bu barədə Ukrayna mətbuatı yazıb.

Bildirilib ki, 57 yaşlı mütəxəssis “Araz-Naxçıvan”ın təklifini qəbul edib və yaxın zamanda komandanın baş məşqçisi təyin olunacaq.

Y.Maksimov Azərbaycan futboluna tanış simadır. O, 2017-2018-ci illərdə “Keşlə”də işləyib. Baş məşqçi kimi bu komandaya Azərbaycan kubokunu qazandırıb.

Xatırladaq ki, 6 turdan sonra Azərbaycan Premyer Liqasında sonuncu olan “Araz-Naxçıvan” dünən baş məşqçi Cavid Hüseynovu istefaya göndərib.