Rudolf Speyd “Qarabağ”ın futbolçusu haqda nə dedi?

Yamayka millisinin baş məşqçisi Rudolf Speyd komandasının üzvü, “Qarabağ”ın futbolçusu Renaldo Sefasın zədəsi haqda danışıb.

Futbolxeber.az saytının məlumatına görə, mütəxəssis Sefasın zədəsinin komandanın oyun planına təsir etdiyini bildirib:

“Əlbəttə, Sefasın meydanı tərk etməsi bizə təsir etdi. Ondan sürəti və bacarığı hesabına yaxşı oyun gözləyirdik. Zədələnəndən sonra taktikanı dəyişməli və müəyyən düzəlişlər etməli olduq. Bunlar yəqin ki, istədiyimiz qədər effektli olmadı”.

Baş məşqçi Sefasın zədəsinin nə dərəcədə ciddi olduğunun hələ bilinmədiyini də qeyd edib: “Hazırda onun zədəsinin dərəcəsini bilmirəm”.

Bildirilib ki, Sefas tibbi müayinədən keçiriləcək və bundan sonra onun vəziyyətinə aydınlıq gələcək.

Xatırladaq ki, “Qarabağ”ın KONKAKAF Millətlər Liqasının A Liqasında Hondurasla matçın (0:1) 10-cu dəqiqəsində ayağından zədə alaraq oyunu davam etdirə bilməyib. Onu Tayriz Kempbell əvəzləyib.