Aqil Məmmədov: “Kəpəz”in necə oynadığını bilmirdik”

“Çempionatın ilk oyunu idi. Bilirdik ki, çətin olacaq. “Kəpəz”də çempionatın yeni komandalarından biridir. Bu səbəbdən də necə oynadıqlarını bilmirdik”. Futbolxeber.az saytına müsahibəsində bu sözləri “Neftçi”nin qapıçısı Aqil Məmmədov deyib.

“Kəpəz”lə qolsuz bərabər qaldıqları oyun haqda danışan Məmmədov, fasilədən sonra daha yaxşı oynadıqlarını bildirib: “İlk yarıda yaxşı çıxış etmədik. Amma fasilədən sonra bir qədər fəallaşdıq. Təəssüf ki, qol epizodlarından istifadə edə bilmədik. Komandamız meydanda mübarizə apardı”.