“Xəstəxanaya aparılan azarkeşlərin hamısı evə buraxılıb”

“Dünən mən xəstəxanaya 5 azarkeş aparmışdım. Onların da hamısı artıq evə buraxılıb”. Bunu Futbolxeber.az saytına açıqlamasında “Qəbələ”nin Marketinq üzrə meneceri Səməd Nəsibov deyib.

Klub rəsmisi 1 azarkeşin dünyasını dəyişdiyi barədə yayılan xəbərdən məlumatsız olduğunu qeyd edib: “İnsidentdən sonra xəstəxanaya yollandıq. Azarkeşlərin ikisinə ilkin tibbi yardım göstərildi və onlar dərhal evə buraxıldılar. Daha iki fanat xəstəxananı gecə 3-4 radələrində tərk etdi. Vəziyyəti nisbətən pis olan azarkeş isə bu gün səhər saatlarında xəstəxanadan ayrıldı. Mənim xsətəxanaya apardığım azarkeşlərdən hansınınsa dünyasını dəyişməsi yalandır. Dediyim kimi, onların 5-i də normal vəziyyətdə evə buraxılıb”.