Elxan Məmmədov: “İnanıram ki, “Qəbələ” növbəti mərhələdə də uğur qazanacaq”

“Çox maraqlı oyun oldu. Sevindici haldır ki, komandamız qalib gəldi və bütün Azərbaycanı sevindirdi”. Futbolxeber.az-ın məlumatına görə, bu sözləri “Qəbələ” - “Apollon” oyunundan sonra AFFA-nın baş katibi Elxan Məmmədov jurnalistlərə açıqlamasında deyib.

Baş katib “Qəbələ”dən növbəti mərhələdə də uğur gözlədiyini bildirib: “Qəbələ” bu gün növbəti mərhələ vəsiqə qazandı. Lakin bu, heç də asan başa gəlmədi. Həm Kiprdəki, həm də Bakıda oyun çətin alındı. Hələ ilk hissəsə “Qəbələ” qol vura bilərdi. 2-3 qol şansı olsa da, futbolçular bundan yararlana bilmədilər. Komanda artıq pley-offdadır. İnanıram ki, “Qəbələ” növbəti mərhələdə də uğur qazanacaq”.