Qalmaqal: Polislər azarkeşləri xəstəxanalıq etdi

Avroliqanın III təsnifat mərhələsinin cavab oyunu çərçivəsində baş tutan “Qəbələ” - “Apollon” görüşündən sonra qalmaqal baş verib. Futbolxeber.az-ın məlumatına görə, matç bitdikdən sonra polislərlə azarkeşlər arasında mübahisə düşüb. Nəticədə məsələ böyüyüb və polislər azarkeşləri döyüblər. İnsident nəticəsində bir neçə azarkeş ciddi xəsarət alıb. Həmçinin fanatlardan bəziləri həbs də olunub. Xəsartə alan fanatlara “Qəbələ”nin həkimləri ilkin tibbi yardım göstəriblər.

Xoşagəlməz olay baş verdikdən sonra “Qəbələ” rəsmiləri hadisə yerində olublar. Klub nümayəndələri ilə bəzi azarkeşlər arasında da mübahisə düşüb. Sonradan azarkeşlərlə görüşən “Qəbələ”nin vitse-prezidenti Fariz Nəcəfov hadisəni araşdıracaqlarını, günahkarlar barədə ölçü götürüləcəyini bildirib. Sonda xəsarət alan fanatlardan bəziləri xəstəxanaya aparılıb.