Tale Heydərov: “Rəhbərliyin dəstəyi “Qəbələ”nin daha da irəli getməsinə şərait yaradır”

“Qəbələ”nin prezidenti Taleh Heydərov “Çukariçki” ilə oyundan sonra Futbolxeber.az saytına müsahibə verib.

- Oyunun sonluğu çox gərgin alındı. Qarşılaşma barədə nə deyə bilərsiniz?

- Hamı kimi biz də çox həyəcanlı idik. Amma sevinirəm ki, mərhələni keçdik. Klub tarixində ilk dəfədir ki, ikinci mərhələni də uğurla adladıq. Buna görə çox sevinirəm.

- Komandanın bugünki oyunundan tam razı qaldınız?

- Müəyyən səhvlər var idi. Bunu da təbii qarşılaşyıram. Nəzərə almaq lazımdır ki, komandada yeni futbolçular var. Onların uyğunlaşması üçün müəyyən vaxt tələb olunur. Zaman keçdikcə komanda daha yaxşı vəziyyətdə olacaq. Bu gün “Çukariçki”dən daha yaxşı oynadıq. Rəqibdən üstün idik.

- “Qəbələ” Avropada daha da irəli gedə bilər?

 - Futbolçuların və baş məşqçimızin potensialı, rəhbərliyin komandaya verdiyi dəstək “Qəbələ”nin daha da irəli getməsinə şərait yaradır. Hesab edirəm ki, bundan da artığını etmək mümkündür.

- Soyunub-geyinmə otağında futbolçulara nə dediniz?

- Qazanılan uğura görə mükafat vəd etdik. İlk dəfədir Avropada bu mərhələyə yüksəlmişik. Odur ki, futbolçuların zəhmətini qiymətləndirməliyik.