Hafiz Məmmədov: “Mənə arxadan zərbə vuranlar öz cəzalarını alacaqlar”

"Bakı"nın prezidenti Hafiz Məmmədov klub rəsmilərini qəbul edib. Futbolxeber.az-ın sportinfo.az-a istinadən verdiyi məlumata görə, icraçı direktor Yaşar Seyidov və katib Zəka İbrahimovla görüşən "zolaqlılar"ın şefi göz doldurub. Tanınmış iş adamı kifayət qədər açıq, inamlı və sərt danışıb. O, ondan narazılıq edənlərin, əleyhinə kampaniya aparanların teziklə əməllərindən peşmançılıq duyacaqlarını bildirib: "Çox, şükür, indi çox rahatam! Bütün problemlər demək olar həldi. Qalıb 1-2 məsələ… Onlar da vaxt almayacaq. Görəcəksiz, ayağıma gələcəklər. Mənə arxadan zərbə vuranlar öz cəzalarını alacaqlar. Mən Allahıma və dövlətimə çox inanıram. Haqq iş yerdə qalmaz. Son 2 ildə olanları heç kimə arzu eləmirəm. Yaxşı günlərimiz bundan sonra başlayır. "Bakı"nın bu hala düşməsinə istehza ilə yanaşanları gördüm. Ümumiyyətlə, çox adamı tanıdım. "Bakı"nı əvvəlki "Bakı"dan güclü quracağıq. Mən buna inanmasaydım, bu qədər səbr etməzdim".