Ölkəmizi növbəti mövsüm avrokuboklarda təmsil edəcək klublar məlum oldu

Ölkəmizi qarşıdakı mövsümdə avrokuboklarda təmsil edəcək bütün klubların adları məlum olub. Futbolxeber.az-ın məlumatına görə, dünən Premyer Liqanın 32-ci turunda “İnter”ə 2:3 hesabı ilə uduzan “Simurq”, ilk “dördlük”də qərarlaşan komandalara çatmaq şansını itirib. Bu isə o deməkdir ki, “Qarabağ”, “İnter”, “Neftçi” və “Qəbələ” Premyer Liqanın ilk 4 pilləsində yer alaraq qitə kuboklarında ölkəmizi təmsil edəcək. Ölkə kubokunun finalında da (“Qarabağ” - “Neftçi”) “dördlük”də yer alan klublar üz-üzə gələcəyindən digər komandalar avrokubok mübarizəsinə qoşulmayacaq.