“Sumqayıt”dan açıqlama: “Popoviç məşqlərə qatılmır, amma...”

“Sumqayıt” klubu Andrey Popoviçin komandadan uzaqlaşdırılması haqda yayılan xəbərlərə münasibət bildirib. Klubun mətbuat xidmətinin rəhbəri Rəşad Məmmədov Futbolxeber.az saytına açıqlamasında bunları deyib: “Popoviç məşqlərə qatılmır. Amma onun komandadan uzaqlaşdırılması haqda məndə heç bir məlumat yoxdur. Popoviç həftənin ikinci günü xəstə idi. Bu səbəbdən də o, 2 gün məşqlərdə iştirak etmədi. Xəstəliyi elə də ciddi deyildi. Onun dünən və srağagün məşqlərə qatılmamasının səbəbini bilmirəm. Lakin komandadan uzaqlaşdırılsaydı, xəbərim olardı. Oyunöncəsi məşqdə iştirak etmədiyindən “Neftçi” ilə oyunda meydana çıxmayacaq”.