“Neftçala” Premyer Liqaya vəsiqəni rəsmiləşdirdi

I divizionun lideri “Neftçala” Premyer Liqaya vəsiqə qazanıb. Futbolxeber.az-ın məlumatına görə, son turda MOİK-i 4:1 hesabı ilə məğlub edən Neftçala təmsilçisi xallarının sayını 69-a çatdırıb. İkinci pillədə olan və 1 oyun az keçirən “Rəvan”ın 58, üçüncü yerdə qərarlaşan “Qaradağ-Lökbatan”ın 55 xalı var. Bu isə deməkdir ki, son 4 turun oyunlarının nəticəsindən asılı olmayaraq, “Neftçala” mövsümü ilk 2 yerdə tamamlayacaq.

Qeyd edək ki, AFFA İcraiyyə Komitəsinin son qərarına əsasən I divizionda ilk 2 yeri tutan komandalar növbəti mövsüm Paremyer Liqada iştirak edəcəklər. Bunun üçün isə komandalar lisenziyaya sahib çıxmalıdırlar.