Klublar Komitəsinin iclası başladı, Rusiyadan qonaqlar var

Klublar Komitəsinin növbəti iclası az öncə başlayıb. Futbolxeber.az-ın məlumatına görə, toplantıda Premyer Liqa klublarının hamısı iştirak edib. Toplantıda “Xəzər Lənkəran”ı Tuyqun Nadirov, “Neftçi”ni Elnur Məmmədov və Mübariz Xudiyev, “Bakı”nı Yaşar Seyidov, “Qəbələ”ni Fariz Nəcəfov, AZAL-ı Fikrət Hüseynov, “Simurq”u Kamran İsmayılov, “Sumqayıt”ı Kamran Quliyev, “Qarabağ”ı Asif Əsgərov, “İnter”i isə Georgi Nikolov təmsil edir. İclasa PFL-in idman direktoru, İntizam Komitəsinin üzvü Məlik Həsənov da qatılıb. Bundan başqa, komitənin iclasına Rusiyadan gələnlər də var. Söhbət “İnStat” şirkətinin direktoru müavini İvan Krupenindən gedir. Qeyd edək ki, bu şirkət oyunlar zamanı futbolçuların 90 dəqiqə ərzindəki göstəricilərini hesablayır.