Vaqif Sadıqov: “Prosineçki dedi ki, narahat olma, Maltaya 3 qol vuracağıq”

AFFA İcraiyyə Komitəsinin üzvü, Məşqçilər Komitəsinin sədri Vaqif Sadıqov milli komandamızın baş məşqçisi Robert Prosineçki haqda danışıb. Futbolxeber.az-ın məlumatına görə, Azərbaycan Radiosu 105 Fm-də gedən “Extra Time” proqramında qonaq olan Sadıqov, xorvat mütəxəssisin özünə inandığını vurğulayıb: “Prosineçki çox inamlı bir insandır. Malta ilə oyun zamanı mən U-19-la birgə Fransadaydım. Səfərə yollanmamışdan öncə Prosineçki ilə görüşəndə o, mənə dedi ki, narahat olma, Maltaya 3 qol vuracağıq. Mənsə cavabında dedim ki, birini vur, amma 3 xalı mütləq qazanaq. Çünki ağır məğlubiyyətlərdən sonra komandaya inamı qaytarmaq lazımdı. Bizim futbolçular futbol oynamağı bacarırlar”.