Dmitri Nazarov Bundesliqaya bir qədər də yaxınlaşdı

Almaniya ikinci Bundesliqasında 28-ci turun oyunları keçirilir. Futbolxeber.az-ın məlumatına görə, millimizin üzvü Dmitri Nazarovun formasını geydiyi “Karlsrue” öz meydanında “Sankt Pauli” ilə üz-üzə gəlib. Meydana start heyətində çıxan Nazarov, 70-ci dəqiqədə Miçanski ilə əvəzlənib. Millimizin üzvü meydanda olduğu müddətdə komandası vurduğu 3 qolla matçın taleyini həll edib.

Qeyd edək ki, bu qələbə sayəsində xallarının sayını 48-ə çatdıran Nazarovun komandası dördüncü pillədəki mövqeyini möhkəmləndirib. “Karlsrue”ni hazırda ikinci pillədən cəmi 1 xal ayırır.

Əlavə edək ki, ikinci Bundesliqada ilk 2 yeri tutan komanda birbaşa Bundesliqaya yüksəlir. Üçüncü yerin sahibi isə pley-off matçında qüvvəsini sınayır.