Denis Silva: “1 xalı “Xəzər Lənkəran”a hədiyyə etdik”

“Neftçi”nin müdafiəçisi Denis Silva Kruz Futbolxeber.az saytına müsahibə verib.

- Premyer Liqanın 29-cu turu çərçivəsində “Xəzər Lənləran”la heç-heçə oyandınız. Qarşılaşma haqda nə deyə bilərsən?

- Oyun heç-heçə tamamlandı. Nə deyim? 2 top fərqi ilə hesabda öndə idik. Rəqib də azlıqda qalmışdı. Buna görə də qələbəyə çox yaxın idik. Lakin sonda qələbəni əldən verdik. Deyərdim ki, 1 xalı “Xəzər Lənkəran”a hədiyyə etdik.

- Bunun səbəbini nədə görürsən?

- Uğursuzluqda hamının günahı var. Komanda olaraq bundan dərs almalıyıq. Çalışmalıyıq ki, belə hal bir də təkrarlanmasın.

- Oyun sonrası mətbuat konfransında komandanızın baş məşqçisi Arif Əsədov komandada arxayınlaşma yarandığını bildirdi. Razısan bu fikirlə?

- Bu sözü bütün komandaya aid etmək olmaz. Kimlərsə arxayınlaşa bilər. Futbol kollektiv oyundu. Öz günahımızdan qələbəni əldən verdik.

- “Neftçi” ilə yanaşı, “Xəzər Lənkəran”ın da formasını geymisən və bir çox “Böyük oyun”un iştirakçısı olmusan. Budəfəki oyun əvvəlkilərdən nə ilə fərqləndi?

- “Neftçi” və “Xəzər Lənkəran”ın heyətində bu derbidə iştirak etmişəm. Oyunlar daim gərgin keçir. Hansı komandada oynamağımdan asılı olmayaraq, hər bir görüşün çətn keçdiyini söyləmək mümkündür.

- Amma əvvəlki illərdən fərqli olaraq, hazırki “Xəzər Lənkəran” iddialı deyil...

- Bayaq da dediyim ki, oyunda qələbəni öz səhvlərimizdən əldən verdik. Rəqibimiz gənclərdən qurulsa da, heyətində təcrübəli və güclü futbolçular da var. Axı tam gənclərlə oynamırlar.

- “Neftçi” 8 ildir Lənkəranda qələbə qazana bilmir. Bu dəfə uğursuz sindromu qırmağa çox yaxın olsaz da, yenə də alınmadı.

- Fasiləyə böyük üstünlüklə yollandiq. İkinci hissədə isə gözləmədiyimiz hallar yaşandı.