Çingiz Abdullayev: “Neftçi”ni ilk növbədə bakılılar dəstəkləməlidir”

“Heç kim məndən inciməsin, amma “Neftçi” SSRİ vaxtı cəmi 1 dəfə bürünc medal qazandı. Fakt budur ki, ciddi uğurumuz olmayıb”. Futbolxeber.az-ın məlumatına görə, bu sözləri tanınmış yazıçı, “Neftçi”nin Müşahidə Şurasının sədri seçilən Çingiz Abdullayev deyib.

Abdullayev azarkeşləri stadiona qaytarmaq barədə düşündüklərini bildirib: “Neftçi”ni əvvəl xeyli azarkeş dəstəkləyirdi. Amma hazırda stadiona gələn futbolsevərlərin sayı azalıb. Biz azarkeşləri stadiona qaytarmalıyıq. Məncə, “Neftçi”ni ilk növbədə bakılılar dəstəkləməlidir. Müşahidə Şurasının sədri seçildikdən sonra dərhal dedim ki, yeni inşa olunan olimpiya stadionunu bizə verin. Cavab verdilər ki, əvvəl hazırki daha kiçik tutumlu stadionu doldurun, sonra o birisinə keçərsiz (gülür).