Prosineçki: “Problem azərbaycanlı futbolçuların istedadlarında yox, mentalitetindədir”

Milli komandamızın baş məşqçisi Robert Prosineçki martın 28-də Maltaya qarşı keçiriləcək oyunöncəsi açıqlama verib. Futbolxeber.az-ın məlumatına görə, Xorvatiyanın “Sport 1Z” kanalına müsahibəsində Prosineçki bildirib ki, hazırda Azərbaycan millisində yaxşı futbolçular var: “Bir neçə il sonra Azərbaycan millisi indikidən yüksək mövqedə olacaq. Biz Malta ilə oyunda komandadan irəliləyiş gözləyirik. Azərbaycanlı oyunçuların problemi istedadlarında yox, futbol mentalitetindədir. Biz çalışırıq əsl futbol oynayaq”.

R.Prosineçki Azərbaycan millisinin hədəflərindən də danışıb. Bildirib ki, komandanın gələcək məqsədi Avro-2020-də oynamaqdır.

Prosineçki millimizin qrupdakı rəqibi olan Xorvatiya millisi barədə də fikirlərini açıqlayıb. O, həmvətənlərinin Avro-2016-ya vəsiqə qazanacağına və orada layiqincə çıxış edəcəyinə inandığını deyib.

Mənbə: Qol.az