Prosineçki Krivotsçuku milliyə çağırmasının səbəbini açıqladı

Milli komandamızın baş məşqçisi Robert Prosineçki U-17-nin üzvü Anton Krivotsçuku milliyə çağırmasının səbəbini açıqlayıb. Futbolxeber.az-ın məlumatına görə, xorvat mütəxəssis bu gün Antalyada azərbaycanlı jurnalistlər üçün keçirdiyi mətbuat konfransında deyib: “Azərbaycanda yaxşı sol cinah müdafiəçisi yoxdur. Bu problem çoxdan var. Mən yanvarda onu Antalyada izləmişəm. Antonu biz Malta ilə qarşılaşmada oynatmayacağıq. Amma gələcəkdə onu millidə görürəm. 17 yaşı var. Toplanışa dəvət etmişəm ki, əsas millidəki atmosferi, ab-havanı canlı yaşasın. Gənc oyunçularla bağlı bu təcrübəni gələcəkdə də davam etdirəcəyəm”.