“Qəbələ” “Haladaş”a qalib gəldi

Antalyada hazırlıqlarını davam etdirən “Qəbələ” bu gün toplanış çərçivəsində 6-cı yoxlama oyununu keçirib. Futbolxeber.az-ın məlumatına görə, təmsilçimiz Macarıstanın yüksək liqasında çıxış edən “Haladaş” klubu ilə qarşılaşıb. Matç “Qəbələ”nin 2:0 hesablı qələbəsi ilə başa çatıb. “Qəbələ”yə qələbə gətirən qolları qarşılaşmanın 27-ci dəqiqəsində Viktor Mendi, 75-ci dəqiqədə isə Emin Zamanov vurub. Beləliklə, “Qəbələ” Antalya toplanışında 3-cü qələbəsini qazanıb.

Qeyd edək ki, bu il Antalyada PSV-nin (Hollandiya) ikinci komandası ilə qolsuz heç-heçə edib, Türkiyə “Əskişəhərspor”una 1:3, Rusiya “Kuban”ına 0:2 hesabı ilə uduzan Roman Qriqorçukun yetirmələri “Vorskla”nı (Ukrayna) 2:1, “Adanaspor”u (Türkiyə) 3:2 hesabı ilə məğlub edib.