Prosineçki: “Bu gün ən çox sevinənlərdən biri mənəm”

Milli komandamızın baş məşqçisi Robert Prosineçki Eddi İsrafilovun Azərbaycan millisinin təklifini qəbul etməsinə münasibət bildirib. Futbolxeber.az-ın AFFA-nın rəsmi saytına istinadən verdiyi məlumata görə, xorvat mütəxəssis deyib: “Bu gün bəlkə də ən çox sevinənlərdən biri mənəm. Çünki güclü bir  futbolçu Azərbaycan millisində çıxış edəcək. Ümid edirəm ki, onun yığmaya çox köməyi dəyəcək. İspaniya Primerosunda oynayan futbolçu millimizdə çıxış edəcək. Onun həm indiki, həm də əvvəlki klubundakı oyunlarını izləmişəm. Eddi ilə də, ailəsi ilə də şəxsən söhbətim olub. Onun bizim millimizdə oynaması və ispan dilində danışmağım işimizi asanlaşdıracaq. Yəqin ki, aramızda problem olmayacaq və bir-birini yaxşı başa düşəcəyik”.