Qərar qəbul edildi: “Heç bir klub qarşılıqlı razılıq olmadan “Bakı”dan futbolçu transfer etməyəcək”

Dekabrın 10-da keçirilən Klublar Komitəsinin ilk iclasında “Bakı”nın icraçı direktoru Yaşar Seyidov təmsil etdiyi kollektiv adından məsələ qaldıraraq, “zolaqlılar”ın yetirməsi olan və 18 yaşı tamam olmamış futbolçuların komandanın icazə olmadan digər klublara keçməsinin düzgün olmadığını bildirmişdi. Futbolxeber.az-ın məlumatına görə, “Bakı”nın müraciəti qurumun bu gün keçirilən iclasında yenidən müzakirə olunub. Yekunda qərara alınıb ki, yaya kimi heç bir Premyer Liqa təmsilçisi “Bakı”nın razılığı olmadan komandanın futbolçularını transfer etməsin. Qərar yekdilliklə qərara alınıb. Bu addım bəzi futbolçuların maliyyə problemlərinə görə klubu atıb getməsinin qarşısını almaq üçün atılıb. 

Qeyd edək ki, sözügedən məsələnin Klublar Komitəsində müzakirəyə çıxarıldığını ilk dəfə məhz Futbolxeber.az saytı yazmışdı - http://www.futbolxeber.az/news/country/18706