“Xəzər Lənkəran”la oyunda “Bakı” azarkeşlərinə qol söz verirəm”

“Bakı”nın gənc hücumçusu Nurlan Novruzov sabah Azərbaycan Premyer Liqasının 8-ci turu çərçivəsində “Xəzər Lənkəran”a qarşı keçirəcəkləri oyun barədə danışıb. Futbolxeber.az-ın məlumatına görə, klubun rəsmi saytına açıqlama verən gənc futbolçu, meydanı qolsuz tərk etməyəcəyinə söz verib: “Rəqib Azərbaycanın böyük klublarından biridi, bu oyuna ciddi hazırlaşmışıq. İnşallah istədiyimiz oyunu göstərib səfərdən qələbə ilə qayıdarıq. Əlavə edim ki, bütün “Bakı” azarkeşlərinə qol söz verirəm. Onu da qeyd edim ki, mən və komanda üçün vacib olan 3 xaldir”.